Tilmaamaha Marwada wanaagsan.

قال تعالى( فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ)

يقول الرسول صلى عليه وسلم : تنكح المرأة لأربع لمالها ولحسبها ولجمالها ولدينها فاظفربذات الدين تربت يداك. رواه البخاري.

ويقول صلى الله عليه وسلم : الدنيا متاع وخير متاعها المرأة الصالحة. رواه مسلم

Aayadaa iyo labadaa xadiith waxay nafarayaan inaan u meeldayno cidda aan nolosha la wadaageyno haddii aan rabno nolol iyo guri wanaagsan. Haddii aad tahay qof diin leh raadso shimbirkaada, haddii kale hotel curuuba iyo juba ayaad ka cashayn.

Halkan waxaan ku soo gudbineynaa tilaamaha ay leedahay marwada wanaagsan:

1-  Inay tahay qof wanaagsan , Rabbi ka cabsata kor iyo hoos,  
      Rasuulka raacda (scw).

2-  Waa daaciyad diinta ugu baaqda ninkeeda, gurigeeda, ehelkeeda, 
     dariskeeda, saaxiibadeed iyo bulshada inteeda kale.

3-  Waxey ninkeeda uga dambeysaa mas’uuliyadda ama hogaanka 
     qoyska.
4-  Uma dareento culays inay ka amar qaadato ninkeeda wixii aan 
     dambi ahayn.

5-  Waxey xifdisaa ( ilaalisaa) nafteeda, hantida ninkeeda  iyo 
     awlaadiisa.

6-  Inay buuxiso indhihiisa ama uu maqsuudo marka uu soo eego 
     ( jirkeeda, nafteeda iyo caqligeeda), ma dhibto ninkeeda.

7-  Waxey aaminsan tahay in gurigeeda adduunku yahay kii looga sii 
     gudbilaaha guriga jannada.

8-  Waxey ilaalisaa ishiisa, sankiisa, dhegahiisa iyo qalbigiisa.

9-  Way u dulqaadataa dabeecadaha xun ee ninkeeda, waxay 
     ogtahay inuu meelo kale ku wanaagsan yahay.
10- Waxey dabooshaa baahida gogosha ee ninkeeda, xilliga uu rabo 
       iyo qaabka uu u rabo.

11- Ninkeeda ayay xasuusisaa ducada galmada hadduu halmaamo.

12- Saaxiibadeed uma gudbiso ama ugama sheekeyso ninkeeda ama 
       xiriirka dhex mara labadooda.

13- Waa midaan ku dagmin quruxdeeda, cilmigeeda, shaqadeeda, 
       waxaas oo dhan waa geed hadhkii.

14- Ma ogola in dibadda laga maqlo haddii khilaaf ku yimaado 
       nolosha gurigeeda.

15- Waxey ogtahay in bidcada, sixirka, waxsheegyada iyo 
       falanfalawyada oo loo tago ay keenaan burbur diimeed iyo mid 
       guri.

16- Haddii uu baxayo way sagootisaa iyada oo adeegsanaysa erayo 
       faraxgaliya, haddii uu soo laabto waxey u soo dhaweysaa sidii 
       qof marti ah.

17- Waa mid aan ka bixin guriga idan ama fasax la’aan.

18- Waxey ka fogaataa waxa abuura shakiga.
19- Guriga ma soo galiso fasax la’aan qof aan ahayn maxaarimteeda 
       haddii ninkeedu maqan yahay.

20- Raggu waxey  jecel yihiin marwada dhoolla cadeysa had iyo jeer.

21- Akhlaaqdeeda iyo edebteeda tusaale wanaagsan ayay u yihiin 
      saaxiibbadeed.

22- Inay Rabbi u mahad naqdaa siinta uu siiyay nin ay nafteeda uga 
       dhowrsato xumaanta, awlaadna ay ka heshay.
23- Inay leedahay akhlaaq aad u sarraysa.

24- Jilbaabka kuma siibto ama kuma furto meel aan ahayn guriga  
       ninkeeda.

25- Cawradeeda ma dhaalacdo qof aan ahayn ninkeeda.

26- Codka kor uguma qaado haddii ay wada hadlayaan.

27- Waxey ogtahay in afar wax albaabada jannada loogu furo:
       salaadda, soomka, adeecidda ninkeeda iyo xifdinta jirkeeda.

28- Inay tahay saabirah u adkeysata wax la’aanta ninkeeda ama ay 
       tahay shaakirah haddii ninkeedu xoolo leeyahay.

29- Inay ninkeeda ku dhiirri galisaa xiriirinta waalidkii, qaraabadiisa 
       iyo saaxiibbadii.

30- Waa inay tahay marwo jecel khayrka, kuna dadaasha baahintiisa.

31- Waxaan run ahayn afkeeda ma yaqaan, beenta waa laga 
       habaaray.

32- Xushmad iyo astur ayay guriga kaga baxdaa, wey laabtaa 
       indhaheeda, kor uma eegto ragga kale.

33- Caruurteeda waxey bartaa jaceylka Allah (swt) iyo Nabiga( scws), 
       ixtiraamka iyo u dhago furnaanta aabbahood.
34- Qalbigeedu ma yaqaan caro iyo ficillo haddii ninkeedu ku 
       khaldamo.

35- Ma xaqirto, kuma jeesjeesto uunka Rabbi dhammaan.

36- Aad ayay uga fogtahay kibirka, faanka iyo isla waynaanta.

37- Ma aha reero adduunyo, had iyo jeer waxay ka fikirtaa aakhiro iyo 
       Rabbi la kulankiisa.

38- Arrimaheeda dhammaan Rabbi ayay u tala saarataa, uma carooto 
       Rabbi waxa uu uqadaray.
39- Waxey xifdisaa Rabbi waajibaadkiisa, kana fogaata Rabbi waxa 
       uu xarrimay.

40- Waxey ogtahay in ninkeedu yahay sayidkeeda, sida Rabbi 
       quraanka noogu shegay. 

       ( قال تعالى : وألفيا سيدها لدى الباب .   سورة يوسف  )     

41- Waxey ogtahay in ninkeeda xaqqiisu ka weyn yahay xaqqa ay 
       iyadu isaga ku leedahay.