Walaal waxaad awoodo Agoonta ugu hagaaji Koontada looga furay Xawaaladda Amaana xarunteeda dhexe ee Dubai,
                                       Acc. nr. 2002-0017
Ma dooneysaa inaad agoon ama ka badan kafaalo qaadid
                       fadlan soo buuxi form-kaan Riix halkaan

 

 

 






Walaalayaal bacda salaan mahad oo dhan Alle ayaa iska leh, nabad gelyo iyo naxariista Eebbana dushiisa ha ahaato rasuulkeena Muxammad, ehelkiisa, asxaabtiisa, iyo intii xaqqa ku raacday dhammaantood.

Intaa dabadeed waxaan mahad aad u ballaaran usoo jeedineynaa walaalihii kaalinta weyn ka geystay dhismaha dhulka Agoonta Xarunta Ugaas Khaliif ee B/weyne rag iyo dumarba, iyagoo Alle uu sabab uga dhigay inuu dhismuhu soo gaaro heer dhamaad ah.

Guddiga ku howlan dhismahaan oo uu ugu horeeyo Ugaas C/raxmaan Ugaas Khaliif ayaa in badan baaq codsi dhaqaale u soo jeediyay jaaliyadaha soomaalida ee ku dhaqan gudaha dalka iyo dibaddiisaba si loo dhameys tiro dhismaha agoonta, haddaba Gabdhaha Jaaliyadda reer hiiraan oo degan Stockholm iyo Goteborg ee wadanka Sweden iyo Max'ed Axmed C/lle (Qorane) Montreal- Canada ayaa soo gaarsiiyay guddiga dhismaha deeq lacageed, deeqdaas oo guud ahaan ahayd  $1757 (kun todoba boqol konton iyo todaba doolar), waxayna usoo kala direen $834 oo reer Stockholm ah, $515 oo reer Goteborg ah iyo $408 oo Max'ed-Qorane ah.

Lacagaha ka yimid Sweden ayaa waxaa ku kala qornaa oo guddiga dhismaha ku wareejiyay Ruun Buulle (Stockholm) oo gaarsiisay $834, sidoo kale Khadiijo Cabdi Gaab (Goteborg) ayaa iyaduna ku wareejisay $515,  inta soo hartay ee ah $408 waxaa gacantiisa guddiga uga dhiibay Max'ed Axmed C/lle (Qorane) oo hadda ku sugan magaalada B/weyne, Walaalkeen Qorane usbuuc ka yar ayey ahayd markii uu sidaan oo kale $1085 gacantiisa uga dhiibay guddiga dhismaha, lacagtaas oo uu ka soo aruuriyay muslimiin reer Montreal-Canada ah, waxaan filayaa inuu indhihiisa ku arkay waxa halkaas ka socda kuna qancay, wax ka wanaagsan Allaha ugu abaal gudo wixii ay la baxeen, sadaqadoodana Allaha ku dhowro (Aamiin).

Warbixintii ugu dambeysay guddiga dhismaha waxay caddeeyeen in deynta hadda lagu leeyahay dhismaha agoonta ay tahay $2400 (laba kun iyo afar boqol doolar) oo kaliya, walaalayaal waad aragtaan guushii waa dhowdahay waxa haray waa wax aad u yar, sidaa daraadeed waxaan si naxariis iyo alle ka cabsi ku dheehan tahay idiinka codsaneynaa waxa Alla idiin dhiibay inaad wax uga sadaqeysataan, waa agoomo Alle ka sokoow gacantiina u baahan, si dhismuhu u noqdo mid mira dhala, agoontuna ugu nacfiso oo ay kaga kaaftoonto ijaarkii muddada dheer soo jiitamaayay iyo jiingadihii kuleylka badnaa ee ay subax iyo galab wax ku baranayeen.

Guddiga Dhismaha Agoonta

Baaraka-llaahu fiikum
Wa jazzaakumu-llaahu kheyran

 Go to homepage
2007-2011, All Rights Reserved to agoonta.net, Designed by Hassan O. Hurie