agoonta.net

Walaal waxaad awoodo Agoonta ugu hagaaji Koontada looga furay Xawaaladda Amaana xarunteeda dhexe ee DUBAI.
Account Nr. 2002-0017 ama riix halkaan

Walaalayaal mahad oo dhan Alle (SW) ayaa iska leh, nabadgelyo & naxariista Eebbana dushiisa ahaato nebigeenna Muxammed, Ehelkiisa iyo Asxaabtiisa dhammaantood (Aamiin).

Su'aalaha 1aad & 2aad waxaa kasoo jawaabay walaalaha kala ah:
1- Max'ed-weli Sheekh Mustaf (Somalia)
2- Dr. Khaalid Cali Sheekh (Maleysia)

Su'aasha 1aad waxaa kasoo jawaabay walaalaha kala ah:
1- Fartuun Faarax Max'ed (Norway)
2- Zubeyr Saalim Siidi (Saudi Arabia)

Halkaan ka aqriso Su'aashii iyo Jawaabtii oo dhameystiran

S1- Saxaabiga ugu Axaadith-ta badan saxaabadii Nebiga (SCW)
waa Abu-hureyra (RC), magacaasi waa naaneys ee sheeg
magaciisa dhabta ah?.
J1- Abu-hureyra magaciisu waa C/raxmaan Binu Zakhar (RC).

S2- Diyaarad waday dad rakaab ah ayaa markii ay dulmareysay
      magaalada Rome (Italy) ayuu duuliyihii diyaaradda
      codbaahiyaha uga sheegay rakaabkii in diyaaraddu
      dulmareyso Rome, saddex qof oo rakaabkii ka mid ayaa
      yiri "Yes we se" haddaba yey u dhasheen 3daa nin?.
J2- 3daa nin waxay u dhasheen ama u kala dhasheen wadamada
      Ingiriiska, Faransiiska iyo Talyaaniga, waxay ku kala hadleen 3
     luqadood oo kala duwan, laakiin isku macno ha:
      Yes = Ok   (Ninka yiri waa reer England)
     We = Ok    (Isna waa reer France)
       Se = Ok    (Kanna waa reer Italy)

S3- laba nin ayaa liinta dhanaan u iib geeyay suuq khudaarta
      lagu iibiyo, intii badneyd liintii wey iibiyeen waxaana usoo
      haray 30 xabo ninkiiba, mid ayaa nin la deris ahaa u
      dhiibtay 30kiisii xabo oo ku yiri saaxiib ii sii gad liintaan 3dii
      xabo shilin, markii uu tegay ayuu kii kalena isla ninkii u
      dhiibtay 30kii xabo oo ku yiri anna iigu gad laba xabo shilin,
      ninkii liinta looga tegay wuu ku wareeray inuu qofba sidii uu u
     sheegay ugu iibiyo liinta, markaas ayuu isku wada daray oo ku
     ii biyay 5tii xababa laba shilin (60/5 =12 goobood X 2 Sh.= 24
     shilin ayuu ku dhameeyay.

      Waxaa soo hormaray ninkii yiri iigu gad 3xabo shilin
      (30/3=10goobX1shilin=10shilin) oo ku yiri liintii waan kuu
      iibiyay, wuxuuna siiyay 10 shilin, wax yar ka dibna waxaa
      yimid kii isna yiri ii gad 2xabo shilin
      (30/2=15goobX1shilin=15shilin) oo isna siiyay 15 shilin,
      haddaba ninka xoolaha looga tagtay waxaa ka maqan shilin,
      ee xaggee ku maqan yahay shilinka dheeri ahi?.
J3- Ninku wuxuu isku daray 2 liin (30+30) oo tiro ahaan isla eg,
      laakiin qiimo ahaan kala badan, hadda jawaabtu waa sidaan:
      wuxuu isku darayaa tiro liin oo isku qiimo dhigma, oo ah 30ka
      xabo ee 10ka shilin jooga (30/3=10goob X 1 shilin) iyo waxa
      uu isu geynayaa 20 xabo oo iyaguna 10 shilin jooga
     (20/2=10goob X 1 shilin), waxay isku noqonayaan 50 xabo oo
     liin ah, kolkaa marka hore 50kaa xabo ayuu gadayaa 5tii xabo
     2 shilin (50/5=10 goobood X 2 shilin=20 shilin, intaa dabadeed
     ayuu iibinayaa intii soo hartay oo ahayd 10 xabo oo liin ah oo
     2dii xabo tahay 1 shilin (10/2=5goob X 1 shilin=5 shilin).

      Haddaba waxa uu haystaa qiimihii laga rabay oo ah qeybtii
      hore oo uu ku gaday 20 shilin iyo qeybtii 2aad oo uu haysto
      5 shilin, una kala siinayaa sidii ay u kala lahaayeen oo ah nin
      leh 10 shilin iyo mid leh 15 shilin.

Haddii aad hayso Su'aalo ama Halxiraale bulshada faa'iido u leh noogu soo hagaaji e-mailadan adigoo soo raacinaya magacaaga oo saddexan & wadanka aad joogto.

agoonta@agoonta.net ama kaafil@agoonta.net

Su'aalaha iyo halxiraalaha todobaadkaan halkaan kala sii soco

Ma dooneysaa inaad agoon ama ka badan kafaalo qaado fadlan soo buuxi form-kaan Riix Halkaan