Walaalayaal mahad oo dhan Alle (SW) ayaa iska leh, nabadgelyo & naxariista Eebbana dushooda ahaato nebigeenna Muxammed, Ehelkiisa iyo Asxaabtiisa dhammaantood (Aamiin).

Walaalayaal waxaan idiinka mahad celineynaa dadaalkiina iyo sida niyad wanaagga ah ee aad u xiiseeysaan barnaamijkaan aqoon kororsiga ah.

Ramadaan Mubaarak dhammaantiinba, Alle (SW) waxaan ka baryeynaa inuu naga dhigo kuwii ka faa'ideysto fadligeeda.

Waxaa dhammaan kasoo jawaabay
1- Shukri Mux'ed Max'ed              (Norway)

Su'aasha 2. & 3aad waxaa kasoo jawaabay walaalaha kala ah:
1- seynab Xasan Cali                     (Kenya)
2- Faadumo Cali Axmed                (Holland)

Halkaan ka aqriso Su'aashii iyo Jawaabtii oo dhameystiran

S1- Waxaad sheegtaa Quraanka immisa suuradood ayaa leh  
       magacyo xayawaan? 
J1- Suuradaha leh magacyo xayawaan waa:
A-  Al-baqara (Saca)
B-  An-naxli (Shinni)
C-  An-namal (Quraanjada)
D-  Al-cankabuut  (Caaracaarada)
E-  Al-fiil (Maroodiyada)

S2- Aayadda uu macneheedu yahay "Kuwa iimaanka laga  
       heloow waxaa leydinku waajibiyay Soon, sidii loogu  
       waajibiyay kuwii idinka horeeyay, si aad Alle uga 
       baqdaan", sheeg suurada ay ku jirto iyo nambarkeeda.
J2-  Waxay ku jirtaa S. Al-baqara aayadda 183aad.

S3- Waxaad sheegtaan magacyada bilaha Islaamka & taariikhda 
       Hijriyada inta mareyso?
J3- Bilaha Islaamka waa: Muxarram, Safar, Rabiicul awal, Rabiicul 
      thani, Jamadul awal, Jamadul thani, Rajab, Shacbaan, 
      Ramadaan, Shawaal, Dhul qacdi iyo Dhul xijj. sannadkuna waa 
     1430H