Markii ay Alxarameyn ka caga laabatay Soomaaliya maadaama aysan dhaqaale u hayn mashaariicdii ay ka fulin jirtay dalka, Agoonta Xarunta Ugaas Khaliif waxaa soo wajahday kafaalo la'aan, iyadoo wax yar kadib qeyladhaanteena ay ku baraarugeen ganacsatada gobolka hiiraan gaar ahaan kuwa magaalada B/weyne oo ah halka ay ku taal Xarunta Agoonta ee Ugaas Khaliif, iyagoo dareemsanaa faa'iidada ay adduun & aakhiraba lee dahay agoonta oo la daryeelo lana kafaalo qaado, Qur'anka & Sunnada Rasuulka (SCW) wax badan ayey inoo bayaaniyeen inaan agoonta & masaakiinta loo darnaan waxna la siiyo, waxaana ka mid ah Riix kalkaan oo aqari .

Haddaba ganacsatadaasi iyagoo hiigsanayo iney helaan dembi dhaaf Alle (SW) iyo iney Rasuulka (SCW) jannada kula rafiiqaan ayey ku dadaaleen sidii ay dayaca uga ilaalin lahaayeen agoontaas, iyagoo soo gaarsiiyay dabayaaqadii sannadkii 2004 kadibna ay ku cuslaatay iney dhaqaale ku filan u helaan bil walba.

Wixii markaa ka dambeeyay waxaa misane ka war helay dhibaatada lasoo deristay Agoonta ku xareysan Xaruntaan walaalaha muslimiinta gaar ahaan reer hiiraan ee dibadda ku nool, waxayna isku dayeen iney halkaa kasii amba qaadaan oo la wareegay gacan ku hayntii agoonta, si ay u gaarsiiyaan mustaqbal wanaagsan oo berrito naftooda anfaca, taasoo aan weli suurta gelin in loo helo kafaalo joogta ah agoon kasta, mar walbase wixii Alle (CW) u qoray ma waayayaan, taas ayaana keentay inaan walaalaha muslimiinta soomaaliyeed aan usoo bandhigno xaaladadooda dhabta  ah ee Agoontaan, si ay wax noogal qabtaan.