Walaalayaal mahad oo dhan Alle (SW) ayaa iska leh, nabadgelyo & naxariista Eebbana dushiisa ahaato nebigeenna Muxammed, iyo Ehelkiisa, Asxaabtiisa dhammaantood (Aamiin). 

Usbuucaan dhammaan waxaan ka wada dhignay halxiraaleyaal, weliba ka wada sheekeynaya rag iyo dumar, bal maskaxda si fiican uga shaqeysiiya oo tijaabi garaadkaaga.

S1- Wiilbaa qof dumar ah kula kulmay wadada, markaasuu ku yiri  
      qofyahay maxaynu isku nahay?, waxay ugu jawaabtay 
      "Hooyadeey waxay dhashay hooyadaa, soddohdeey  
      inankeeduna waa adeerkaa", haddaba haweyneydaasi iyo 
      wiilku maxay isku yihiin?.

S2- Waxaa wada socday 6 qofood oo 3 rag ah iyo 3 dumar ah, laba
      ka mid ah kaliya ayaa lammaane ka ahaa oo is qabay, 4ta kale
      oo 2 rag ah & 2da haweenka ah waa la kala ilaalinayaa, haddii
      ay isku soo haraan waxaa laga baqayaa in Zino (macsi) ay la
      yimaadaan. Waxay ku yimaadeen webi waxayna doonayaan 
      iney ka gudbaan halkaas, waxaa meesha taagan dooni qaadi 
      karta kaliya 2 qofood markiiba, haddaba iyadoo la kala 
      ilaalinayo raggaas iyo dumarkaas sidee beey ku garai karaan 
      webiga dhankiisa kale si ay socodkooda usii wataan?. 

S3- Haweeney aad jecleyd inaad is guursataana aad ku ballanteen 
      ayaad iyadoo nin la taagan soo martay, markaad iyadii & 
      ninkii wada salaantay ayey ninkii ay la taagneyd ku bartay 
      oo kugu tiri "ninkaan aan la taaganahay xaaskiisa walaalkeed 
      waa abtigeey", haddaba saaxiibtaa iyo ninka la taagneyd  
      maxay isku yihiin?.

Haddii aad hayso Su'aalo ama Halxiraale bulshada faa'iido u leh noogu soo hagaaji e-mailadan adigoo soo raacinaya magacaaga oo saddexan & wadanka aad joogto.

agoonta@agoonta.net  ama kaafil@agoonta.net

                                                                                     Go to homepage          

    Copyright © 2007  All Rights Reserved to agoonta.net, Designed by Xasan C. Xuuriye